حكاية بعد النوم

وبعدين .. النسر ابو زلومه فرد ديله اللي علي الجنب ومشي عليه . قام اتكعبل في السمكه اللي طايرة باسننانها وعماله من بطنها اللي فوق وتقول " اكلوني اكلوني .. علشان انا مش عايزة آكل خالص " .. قام النسر سمعها بزلومته لانه ما كنش عنده بق يسمع بيه .. وبعدين السمكه ماتت اوي وانبسطت خالص من النسر وسابته ومشيت علي قضيب الطيارة الهليكوبتر ..
قامت خبطت في الفيل ابو 3 رؤوس و25 رقبه اللي كان طاير في الهوا ومش همه الغواصات اللي حواليه من كل ناحيه .. قامت الكراسه اللي في الغواصات قعدت تزعق وتقول " وسع وسع " فمعرفش يرد عليهم طبعا علشان الفيل ما بيعرفش يتكلم .. وقال لهم " ارد عليكم ازاي اذا كنت مبعرفش اتكلم ولكن بعرف اعوم .. بس نسيت البدله الصوف بتعاتي في العش فمش هقدر آكل معاكم .. بس ممكن ...)
-ايه يا ميدو رايح فين؟!! مش حاكملك الحدوته ؟
-سيبيني سيبيني . انا رايح لماما ومش عايز حواديت ..
- ايه يا ميدو فيه ايه؟
- هاتي ودنك يا ماما علشان ما حدش يسمع
- اهوه ..
- خالو محمد يا ماما من ساعة ما دخل كليه الهندسه وهو بقي عبيط!!!!

ههههههههههههههههههههههههههههههههههههه

ضحكتنى وانا مليش نفس اضحك والله يا احمد

مرسي جدا يا طيب على الحكاية الجميلة دى

مرسى يا مامبو على مرورك بالموضوع ويلا بقى علشان تنام

ههههههههههههه
شكرا ليك جدا علي الحكايه

تصبحى على الف خير يا عاشقه

شكرااا اخوي قصة رحلو ..

تصبحى على الف خير يا فارسه القمر

وانت من اهل الخير احمد